Vitamin D Fruits And Vegetables In Tamil
வைட்டமின் டி : சைவ உணவு சாப்பிடறவங்க என்ன சாப்பிட்டா வைட்டமின் டி கிடைக்கும்!
S Dhanalakshmi | Samayam Tamil | Updated: Apr 15, 2021, 6:26 PM
வைட்டமின் டி உடலுக்கு எவ்வளவு அவசியம் என்பதை ஏற்கனவே பார்த்திருக்கிறோம். இயற்கையாக சூரிய ஒளியிலிருந்து பெறக்கூடிய வைட்டமின் டி எந்தெந்த சைவ உணவில் இருக்கிறது என்று பார்க்கலாம்.
வைட்டமின் டி குறைபாடு பலவீனமான தசைகளை உண்டாக்கும். இது எலும்பு அடர்த்தியை குறைக்க செய்யும். ஆனால் இந்த வைட்டமின் டி குறைபாடு குழந்தைகளுக்கு ஆஸ்துமா, வயதானவர்களுக்கு அறிவாற்றல் குறைபாடு, குளுக்கோஸின் சகிப்புத்தன்மை மற்றும் மல்டிபிள் ஸ்களீரோசைஸ் போன்றவற்றை உண்டாக்கும்.
இது மிகவும் கடுமையான நோய்கள், இது தடுக்கப்படலாம். எனினும் சைவ உணவு உண்பவர்களுக்கு இந்த வைட்டமின் டி பற்றாக்குறை தடுக்க உதவும் சைவ உணவுகள் குறித்து பார்க்கலாம்.
வைட்டமின் டி அளவு
தினசரி தேவையான வைட்டமின் டி அளவு 1 முதல் 70 வயது அரை உள்ளவர்களுக்கு தினசரி அளவில் 15 மைக்ரோகிராம் அதாவது 600 சர்வதேச அலகு (IU) ஆகும். 70 வயதுக்கு மேற்பட்டவர்களுக்கு தினசரி 800 சர்வதேச அலகு (IU) 20 மைக்ரோகிராம் அளவுக்கு சமமாக பரிந்துரை செய்யப்படுகிறது.
தொற்றுநோய் : நுரையீரலுக்கும், சீரான சுவாசத்துக்கும் நன்மை செய்யும் உணவுகள், இன்னிக்கே சாப்பிடுங்க!
12 மாதங்களுக்கு உட்பட்ட குழந்தைகளுக்கு தினமும் 400 சர்வதேச அலகு (IU) தேவைபடுகிறது. பெரியவர்கள் மற்றும் கர்ப்பிணி பெண்களுக்கு நாள் ஒன்றுக்கு 600 முதல் 800 சர்வதேச அலகு (IU) (15 முதல் 20 மைக்ரோகிராம்) வரை எடுத்துகொள்ள வேண்டும். உணவுகளில் மிக குறைந்த அளவு இந்த வைட்டமின் உள்ளது.
பெரும்பாலும் விலங்கு உணவுகளில் இவை ஓரளவு உள்ளது. சைவ உணவுகளை உண்பவர்களுக்கு வைட்டமின் டி உணவு மூலம் பெறுவது சற்று கடினமாக இருக்கும். எனினும் வைட்டமின் டி உள்ள சைவ உணவுகள் குறித்து பார்க்கலாம்.
சோயா தயாரிப்புகள்
சோயா டோஃபு மற்றும் சோயா துண்டுகள் போன்ற சோயா தயாரிப்புகள் வைட்டமின் டி-ன் ஆரோக்கியமான மூலமாகும். இந்த தயாரிப்புகள் சூப்பர் மார்கெட்டில் கிடைக்கும் எளிதான பொருள்கள். சோயா டோஃபு சிலருக்கு புதியதாக இருக்கலாம். 3. 5 அவுன்ஸ் அதாவது 100 கிராமுக்கு 100 சர்வதேச அலகு (IU) கிடைக்கும்.
பால்
பால் சிறந்த ஆதாரம். கால்சியம் மற்றும் வைட்டமின் டி நிறைந்த ஆதாரங்கள். பால் முழுமையான உணவாக செயல்படுகிறது. பால் அனைத்து அத்தியாவசிய ஊட்டச்சத்துக்களையும் கொண்டுள்ளது. இதில் புரதம், கால்சியம், வைட்டமின் டி, கொழுப்பு மற்றும் நல்ல கார்ப்ஸ் அதிகம் உள்ளன.
லாக்டோஸ் சகிப்புத்தன்மையற்றவராக இல்லையெனில் ஒரு டம்ளர் பாலோடு நாளை தொடங்குங்கள். ஒவ்வாமை இருந்தால் ஸ்மூத்தி அல்லது மில்க் ஷேக் போன்று குடித்து விடலாம். ஒரு கப் பாலில் 120 சர்வதேச அலகு (IU) கிடைக்கும் என்று சொல்லப்படுகிறது.
சீஸ்
சீஸ் என்னும் பாலாடைக்கட்டி வைட்டமின் டி சிறந்த ஆதாரமாக உள்ளது. இது சருமம் மற்றும் மூளை ஆரோக்கியத்துக்கு அவசியமான நல்ல கொழுப்புகளின் அளவையும் அளிக்கிறது. அதே நேரம் சரியான சீஸ் வகையை தேர்வு செய்வதும் அவசியம்.
மஷ்ரூம்
மஷ்ரூம்கள் அதாவது காளான்களை சாப்பிடலாம். இதிஅ ஒரு வேளை உணவாக சைட் டிஷ் போன்று எடுக்கலாம். இது குழந்தைகள் முதல் பெரியவர்கள் வரை அனைவருக்கும் பிடிக்கும். சைவ உணவு உண்பர்வர்களுக்கு காளான் உணவு மிக பிரசித்தம்.
சதைப்பற்றுள்ள காளான்கள் சூரிய ஒளி வைட்டமின் சிறந்த ஆதாரமாக உள்ளது. புற ஊதாக்கதிர்களை வெளிப்படுத்தும் போது காளான்கள் இந்த வைட்டமின்களை ஒருங்கிணைக்கலாம். இதை சாண்ட்விச்கள், சூப் வகைகள், சாலட்கள், போன்றவற்றில் சேர்த்து சாப்பிடலாம்.
தயிர்
தயிர் இல்லாத உணவு அதிலும் கோடையில் இல்லவே இல்லை என்று சொல்லலாம். ஒவ்வாமை பிரச்சனையை எதிர்கொள்ளாதவர்களுக்கு தயிர் சிறந்த புரோபயாடிக் ஆகும். பாலாடைக்கட்டியுடன் ஒப்பிடும் போது இது புரதம் நிறைந்தது மற்றும் கலோரிகளில் குறைவான கலோரி கொண்டுள்ளது.
இது கால்சியம் மற்றும் வைட்டமின் டி ஆகியவற்றின் நல்ல மூலம் ஆகும். இந்த காலத்தில் உங்கள் உணவில் அடிக்கடி தயிர் சேர்க்கவும். இதை ஸ்வீட் லஸ்ஸி போல் தினசரி சேர்க்கலாம். எனினும் தயிரை அப்படியே சாப்பிடுவது தான் சிறந்தது.
ஆரஞ்சு பழச்சாறு
ஆரஞ்சு வைட்டமின் டி உடன் இணைக்கப்பட்டுள்ளது. ஒரு டம்ளர் ஆரஞ்சு சாறில் கால்சியம் மற்றும் வைட்டமின் டி நிறைந்துள்ளது. உங்களுக்கு பால் மற்றும் பால் தயாரிப்புகள் சாப்பிடுவதில் சிரமத்தை எதிர்கொண்டால் நீங்கள் தினசரி ஆரஞ்சு சாற்றை குடிப்பதை வழக்கமாக்கி கொள்ளலாம்.
சூரிய ஒளி
வைட்டமின் டி ஆகாரமே சூரிய ஒளிதான். சூரிய ஒளியிலிருந்து வரும் புற ஊதாக்கதிர்களுக்கு வெளிப்படும் போது உங்கள் சருமம் வைட்டமின் டி தயாரிக்கிறது. பெரும்பாலான மக்கள் இந்த வழியில் இலவசமாகவே வைட்டமின் டி பெற்றுவிட முடியும்.
கண் பார்வை : இதை செய்தீங்கன்னா கண்ணாடி போடவே தேவையில்லை! சித்தமருத்துவர் தரும் குறிப்புகள்!
நேஷனல் இன்ஸ்டிட்டியூட் ஹெல்த் கூற்றூப்படி முகம், கைகள், கால்கள் சூரிய ஒளியில் வாரத்தில் இரண்டு முறை 5 முதல் 6 நிமிடங்கள் வரை சன்ஸ்க்ரீன் இல்லாமல் இருக்க பரிந்துரைக்கிறது. வயதானவர்களுக்கும், கருப்பு நிற சருமம் கொண்டவர்களுக்கும் போதுமான வைட்டமின் டி உருவாக 30 நிமிடங்களுக்கு மேல் சூரிய ஒளி தேவைப்படலாம்.
சன்ஸ்க்ரீன் இல்லாமல் சூரிய ஒளியை உள்வாங்குவதன் மூலம் வைட்டமின் டி போதுமான அளவு பெறப்படுகிறது. நேரடி சூரிய ஒளியை பெறுவது இருக்கும் இடம், காலநிலையை பொறுத்தது. அதே நேரம் அமெரிக்கன் ஆஃப் டெர்மட்டாலஜி வைட்டமின் டி -ன் முக்கிய ஆதாரமாக சூரியனை அதிகம் நம்பவேண்டாம். ஏனெனில் இவை புற்றுநோய் அபாயத்தை அதிகரிக்கும் என்றும் சொல்கிறது.
Tamil News App: உடனுக்குடன் உலக நிகழ்வுகளை உங்களது சமயம் தமிழ் ஆப்பில் நொடியில் பார்க்கலாம் முக்கியச் செய்திகள் மற்றும் புதிய செய்திகளுக்கு Samayam Tamil ஃபேஸ்புக்பக்கத்துடன் தொடர்ந்திருங்கள்
இந்த தலைப்புகளில் செய்திகளை தேடவும்
Web Title : vitamin d sources for vegetarians in tamil
Tamil News from Samayam Tamil, TIL Network
Vitamin D Fruits And Vegetables In Tamil
Source: https://tamil.samayam.com/lifestyle/health/vitamin-d-sources-for-vegetarians-in-tamil/articleshow/82086007.cms
0 komentar:
Posting Komentar